Welcome to MuftiArbab.com - A Spiritual Page!
مردوں کے لئے چاندی کے علاوہ انگوٹھی کا استعمال

السلام علیکم ورحمتہ اللہ وبرکاتہ
سوال یہ ہے کہ مردوں کے لئے ہیرے وغیرہ کی انگوٹھی پہننا کیسا ہے؟ پوری وضاحت کے ساتھ ارسال فرمائیں۔
بسم اللہ الرحمن الرحیم
الجواب وباللہ التوفیق: مردوں کے لیے صرف چاندی کی انگوٹھی پہننا درست ہے، وہ بھی اس شرط کے ساتھ کہ اس کا وزن 4/ گرام 374 ملی گرام سے زیادہ نہ ہو، اس کے علاوہ کسی اور دھات یا پتھر مثلاً ہیرے کی انگوٹھی پہننا مردوں کے لیے جائز نہیں ہے۔ (درمختار مع الشامی، 517/9، ط: زکریا اور فتاوی رشیدیہ (594/5
نوٹ: ہیرے کی انگوٹھی پہننے کا عدمِ جواز اس صورت میں ہے جب انگوٹھی کا حلقہ ہیرے کا ہو، اگر حلقہ ہیرے کا نہیں؛ بلکہ صرف نگینہ ہیرے کا ہے تو پھر اس میں کوئی حرج نہیں ہے، یعنی مرد چاندی کی انگوٹھی میں ہیرے کا نگینہ لگواسکتا ہے۔ فقط واللہ اعلم